AVIACHIPTA PULI ISTE'MOLCHIGA QAYTARILDI
Uychi tumani "Yorqoʻrgʻon" MFY...
- O'zbekiston Respublikasi Namangan viloyati Namangan shahar, Nodira ko'chasi 3-uy
Yangiliklar
- 2024-05-06
NAMANGANDA QARIYB 4 MILLARD SO'M MABLAG' ISTE'MOLCHILAR FOYDASIGA QAYTA HISOB-KITOB QILINDI Oʼzbekiston isteʼmolchilar huquqlarini himoya qilish jamiyatlari federatsiyasi Namangan viloyati hududiy birlashmasi hamda tuman (shahat) jamiyat ijro apparati raislari va xodimlari ishtirokida Kengash yig‘ilishi bo‘lib o‘tdi. Kengashining navbatdagi yigʼilishi boʼlib oʼtdi. Kengash yigʼilishida Namangan viloyatida isteʼmolchilar huquqlarini himoya qilish, aholining isteʼmol madaniyatini oshirish va sohada jamoatchilik nazoratini yana-da kuchaytirish borasida 2024-yilning 1- chorak i davomida amalga oshirilgan ishlar tanqidiy-tahliliy koʼrib chiqildi. Xususan, viloyatda isteʼmolchilar huquqlarini himoya qilish jamiyatlariga isteʼmolchilar tomonidan 507 ta murojaatlar kelib tushgan. Ularning 136 tasi yozma, 371 tasi ogʼzaki, 30 tasi elektron shaklda boʼlib, barcha arizalar tegishli tartibda oʼrganib chiqilgan. Hisobot davrida hududiy birlashma va uning tuman (shahar) jamiyatlari tomonidan murojaatlar sohalar kesimida koʼrib chiqilib, isteʼmolchilar manfaatlariga yetkazilgan 4 089 132,1 (To`rt milliard sakkson to`qqiz million bir yuz o`ttiz ikki ming) soʼm moddiy va maʼnaviy zararlar qayta hisob-kitob qilinishi va undirib berilishi taʼminlangan. Shuningdek, joriy yil davomida 1 ta murojaat yuzasidan isteʼmolchilarga yetkazilgan zararlarni undirish yuzasidan fuqarolik ishlari boʼyicha sudlarga daʼvo arizalari kiritilib, isteʼmolchilar manfaatlariga yetkazilgan 1 770 000 soʼm zararlar sud orqali undirilgan. Yig'ilish davomida Uchqo`rg`on tuman, Chust tuman hamda To`raqo`rg`on tuman jamiyat rasilari 1- chorak davomida amalga oshirilgan ishlar bo`yicha hisobotlari eshtildi. Iste’molchilar huquqlarini himoya qilishga doir chora-tadbirlar ijrosi, amalga oshirilgan ma’naviy-ma’rifiy ishlar hamda loyihalar, kelib tushgan murojaatlar va ularning yechimlari muhokama qilindi. Erishilgan yutuqlar va yo‘l qo‘yilgan kamchiliklarni bartaraf etish yuzasidan takliflar tinglandi.
O’zbekiston iste’molchilar huquqlarini himoya qilish jamiyatlari federatsiyasi Namangan viloyati hududiy birlashmasi
- 2024-06-27
SALKAM 2 MILLION SO'MLIK NUQSONLI TELEVIZOR SIFATLISIGA ALMASHTIRILDI Chust tumani "Sabzazor" mahallasida yashovchi fuqaro M.N. O'zbekiston iste’molchilar huquqlarini himoya qilish jamiyatlari federatsiyaning 1091 qisqa raqamli ishonch telefoni orqali murojaat qilgan. Unda ma’lum bo’lishicha, fuqaro Chust tuman tijorat bozorida joylashgan maishiy texnika do’konlarining biridan 1 700 000 so’mga “Sonor” rusumli televizor sotib olgan. Oradan 6 oy o'tgach, televizor nosoz holga kelib qolgan. Shundan so'ng, iste’molchi bu bo'yicha do’kon mas'ullariga murojaat qilgan, ammo servis markazi xodimlari xarid qilingan televizorning kafolat muddati boʻlishiga qaramay, fuqarodan xizmat uchun 700 000 soʻm pul talab qilgan. Ushbu holat jamiyat mutaxassislari tomonidan o’rganilib, do’kon ishchi xodimlariga tegishli tushuntirish ishlari olib borildi. Natijada, do'kon ma'muriyati tomonidan isteʼmolchiga ayni shunday markali maqbul sifatli televizor topshirildi.
O’zbekiston iste’molchilar huquqlarini himoya qilish jamiyatlari federatsiyasi Namangan viloyati hududiy birlashmasi
- 2024-07-01
SALKAM 2 MILLION SO'MLIK NUQSONLI TELEVIZOR SIFATLISIGA ALMASHTIRILDI Chust tumani "Sabzazor" mahallasida yashovchi fuqaro M.N. O'zbekiston iste’molchilar huquqlarini himoya qilish jamiyatlari federatsiyaning 1091 qisqa raqamli ishonch telefoni orqali murojaat qilgan. Unda ma’lum bo’lishicha, fuqaro Chust tuman tijorat bozorida joylashgan maishiy texnika do’konlarining biridan 1 700 000 so’mga “Sonor” rusumli televizor sotib olgan. Oradan 6 oy o'tgach, televizor nosoz holga kelib qolgan. Shundan so'ng, iste’molchi bu bo'yicha do’kon mas'ullariga murojaat qilgan, ammo servis markazi xodimlari xarid qilingan televizorning kafolat muddati boʻlishiga qaramay, fuqarodan xizmat uchun 700 000 soʻm pul talab qilgan. Ushbu holat jamiyat mutaxassislari tomonidan o’rganilib, do’kon ishchi xodimlariga tegishli tushuntirish ishlari olib borildi. Natijada, do'kon ma'muriyati tomonidan isteʼmolchiga ayni shunday markali maqbul sifatli televizor topshirildi.
O’zbekiston iste’molchilar huquqlarini himoya qilish jamiyatlari federatsiyasi Namangan viloyati hududiy birlashmasi
- 2024-07-02
SALKAM 4 MILLION SO'M PUL MABLAG'I ISTE'MOLCHIGA QAYTARILDI Fargʻona viloyat Buvayda tumanida yashovchi fuqaro А.K. Namangan viloyati Davlatobod tumani “Yashil dehqon bozori” hududida joylashgan doʻkondan “LG” rusumli muzlatgichni 3 800 000 soʻmga sotib olgan. Аmmo koʻp vaqt oʻtmay, muzlatgichning yaxshi sovutmasligi maʼlum boʻlgach, isteʼmolchi bir necha marotaba tadbirkorga mahsulot pulini qaytarib berishni soʻrab murojaat qilgan. Tadbirkor esa turli bahonalar bilan rad javobini bergan. Bundan norozi boʻlgan fuqaro Oʻzbekiston isteʼmolchilar huquqlarini himoya qilish jamiyatlari federasiyasining 1091 raqamli ishonch telefoniga murojaat qiladi. Mazkur murojaat boʻyicha Davlatobod tuman ijro etuvchi apparati xodimlari tomonidan oʻrganish oʻtkazilib, savdo doʻkoni sotuvchisiga amaldagi qonun hujjatlari talablari doirasida tegishli tushuntirishlar berildi. Natijada, sifatsiz muzlatgich savdo doʻkoniga topshirilib, toʻlangan 3 million 800 ming soʻm pul mablagʻi isteʼmolchiga toʻliq qaytarib berildi.
O’zbekiston iste’molchilar huquqlarini himoya qilish jamiyatlari federatsiyasi Namangan viloyati hududiy birlashmasi
- 2024-07-04
ISTEʼMOLCHI ZIMMASIDAGI 2 MLN 820 MING SOʻM NOREAL QARZDORLIK BARTARAF ETILDI Namangan viloyat Namangan shahrida yashovchi fuqaro K.I Namangan shahar isteʼmolchilar huquqlarini himoya qilish jamiyatiga murojaat qilgan. Unda bayon etilishicha, isteʼmolchi xonadoni 2023-yilda issiqlik tizimi quvurlari talab darajasida ishlamagani sababli, issiq suv tizimidan uzib qoʻyilgan. Shunga qaramasdan, Namangan shahridagi "Issiqlik manbai" DUK tomonidan hozirgi kungacha kommunal toʻlovlar hisoblab borilgan. Natijada, 2 million 820 ming 378 soʻmlik noreal qarzdorlik yuzaga kelgan. Murojaat jamiyat mutaxassislari tomonidan oʻrganilib, korxona xodimlariga amaldagi qonun hujjatlari talablari yuzasidan tegishli tushuntirish ishlari olib borilgandan soʻng, isteʼmolchi zimmasidagi 2 820 378( ikki million sakkiz yuzi yigirma ming uch yuz yetmish sakkiz) soʻmlik asossiz qarzdorlik bartaraf etildi.
ISTEʼMOLCHI ZIMMASIDAGI 2 MLN 820 MING SOʻM NOREAL QARZDORLIK BARTARAF ETILDI
Namanga...
- 2024-07-04
Bola tabassumi – olam bezagi Bolalar hayotimiz davomchilari, kelajagimiz egalaridir. Binobarin, ularni asrab-avaylash, har tomonlama barkamol qilib voyaga yetkazish har bir davlat, har bir oila, har bir ota-onaning muqaddas burchidir. Oʻzbekistonda ham farzandlarimiz ana shunday mehr-muhabbat, ulkan gʻamxoʻrliklar ogʻushida voyaga yetmoqda. Oʻzbekiston Isteʼmolchilar huquqlarini himoya qilish jamiyatlari federatsiyasi, hududiy birlashmalari va tuman (shahar) jamiyatlari tomonidan respublika bo`ylab jamiyatning yosh iste`molchilari bo`lgan bolajonlarning manfaatlarini himoya qilishga qaratilgan turli tadbirlar muntazam o`tkazib kelinmoqda. Kuni kecha 1-iyun – Xalqaro bolalarni himoya qilish kuni munosabati bilan Namangan viloyati Davlatobod tumanidagi suv sportiga ixtisoslashtirilgan sport maktabida "Sog`lom bola - yurt tayanchi" shiori ostida sport tadbiri tashkil etildi. Tadbirda Oʻzbekiston Isteʼmolchilar huquqlarini himoya qilish jamiyatlari federatsiyasi Davlatobod tuman jamiyati xodimlari va hamkor tashkilotlar ishtirok etishdi. Tadbir so`ngida suv sporti bo`yicha yuqori natijalarga erishgan oʻquvchilarga va ularning murabbiylariga turli sovgʻalar topshirildi.
Bola tabassumi – olam bezagi
Bolalar hayotimiz davomchilari, k...
- 2024-07-04
SUV TA'MINOTI SOHASIDAGI SALKAM 8 MILLIARD SO'M NOREAL QARZDORLIKLAR ISTE'MOLCHILAR FOYDASIGA QAYTA HISOB-KITOB QILINDI Oʻzbekiston isteʼmolchilar huquqlarini himoya qilish jamiyatlari federatsiyasi Mingbuloq tuman ijro etuvchi apparatiga tumanda yashovchi aholi (isteʼmolchilar) dan suv ta'minoti sohasida juda koʻplab murojaatlar kelib tushgan. Ushbu murojaatlarda bayon etilishicha, isteʼmolchilar “Namangan suv taʼminoti” MCHJ Mingbuloq tuman boʻlimi tomonidan asossiz qarzdorliklar hisoblanilayotganidan norozi boʻlgan va vaziyatga oydinlik kiritishda jamiyatdan amaliy yordam so'ragan. Holat tuman jamiyati xodimlari tomonidan o'rganib chiqildi. Aniqlanishicha, yaqin yillargacha tuman aholisiga "Qishloq ichimlik suvi" tashkiloti tomonidan xizmat ko'rsatilgan. Iste'molchilar amalga oshirgan to'lovlar esa tashkilot tomonidan "Billing" dasturiga kiritilmagan va buning natijasida, eski noreal qarzdorliklar saqlanib qolgan. Hozirgi vaqtda aholiga “Namangan suv taʼminoti” MCHJ Mingbuloq tuman boʻlimi tomonidan xizmat ko'rsatib kelinmoqda. Jamiyat mutaxassislari sa'y-harakatlari bilan ushbu MChJ bilan hamkorlikda tumandagi 37 ta MFY dagi jami 8 768 nafar isteʼmolchilarning 7 722 171 903 (yetti milliard yetti yuz yigirma ikki million bir yuz yetmish bir ming toʻqqiz yuz uch) soʻm miqdoridagi eski mavjud noreal qarzdorliklari meʼyoriy hujjatlar asosida "Billing" dasturidan chiqarilishiga erishildi va isteʼmolchilar foydasiga qayta hisob-kitob qilib berildi
SUV TA'MINOTI SOHASIDAGI SALKAM 8 MILLIARD SO'M NOREAL QARZDORLIKLAR ISTE'MO...
- 2024-07-08
NOSOZ MUZLATGICH SIFATLISIGA ALMASHTIRILDI Namangan viloyati Yangiqo'rgoʻn tumani "Gaiston" MFYda yashovchi fuqaro S.A Oʻzbekiston isteʼmolchilar huquqlarini himoya qilish jamiyatlari federatsiyasining 1091 qisqa raqamli ishonch telefoni orqali murojaat qilib, sotib olingan nuqsonli mahsulotni almashtirib olishda yordam soʻragan. Аniqlanishicha, fuqaro tomonidan Namangan shahrida joylashgan “Isfarxon” savdo doʻkonidan “Premier” rusumli muzlatgich sotib olingan. Biroq unda turli nosozliklar kuzatilib, bir necha marta servis xizmati koʻrsatilishiga qaramasdan, ishlamagan. Isteʼmolchining nosoz mahsulotni almashtirish haqidagi talablari esa sotuvchi tomonidan rad etilgan. Murojaatni oʻrganish jarayonida sotuvchiga Oʻzbekiston Respublikasi “Isteʼmolchilarning huquqlarini himoya qilish toʻgʻrisida”gi Qonuni talablariga muvofiq, sotuvchi va ishlab chiqaruvchining kafillik majburiyatlari yuzasidan tushuntirishlar olib borildi va muzlatgich isteʼmolchi xohishi bilan xuddi shu rusumdagisiga almashtirib berildi.
NOSOZ MUZLATGICH SIFATLISIGA ALMASHTIRILDI
Namangan viloyati Yangiqo'rgoʻn tumani...
- 2024-07-11
7 MILLION 600 MING SO'M PUL ISTE'MOLCHIGA QAYTARILDI Oʻzbekiston isteʼmolchilar huquqlarini himoya qilish jamiyatlari federatsiyasi Uychi tuman ijro etuvchi apparatiga "Beruniy" MFYda yashovchi fuqaro J.Q.dan ogʻzaki murojaat kelib tushgan. Unga koʻra, fuqaro Uychi tuman markazidagi savdo kompleksida joylashgan doʻkonlarning biridan 7 600 000 soʻmlik yugurish yoʻlakchasi xarid qilgan. Undan foydalanganda ushbu tovar sifat darajasida emasligi ma'lum bo'lgach, doʻkon xodimlari bilan bogʻlangan, doʻkon xodimlari esa tovarni qaytarib olmasligini va texnik servis ko'rigidan o'tkazishini aytgan. Lekin oradan ancha vaqt oʻtsa hamki, servis xodimlari xaridorning uyiga bormagan va oʻzi boshqa servis xizmatidan foydalanishga majbur boʻlgan. Oʻzbekiston isteʼmolchilar huquqlarini himoya qilish jamiyatlari federatsiyasi Uychi tumani jamiyati tomonidan ushbu murojaat atroflicha oʻrganilib, isteʼmolchiga toʻlov qilgan puli qaytarib berildi.
7 MILLION 600 MING SO'M PUL ISTE'MOLCHIGA QAYTARILDI
Oʻzbeki...
- 2024-07-11
TA’LIM SIFATI-DOLZARB MASALA!” Mingbuloq tuman jamiyati tomonidan grant loyiha doirasida “Ta'lim sifati–dolzarb masala!” mavzusida tumandagi 34-sonli maktabgacha ta’lim muassasasi hodimlari o’rtasida davra suhbati o’tkazildi. Iste'molchilar huquqlarini himoya qilish jamiyatlari federatsiyasi Mingbuloq tuman ijro etuvchi apparati raisi grant loyiha rahbari Muhtorjon Mamadiyev hamda 34-sonli maktabgacha ta’lim muassasasi rahbari Nishonova Shoira tomonidan Mingbuloq tumani Baland gurtepa MFY da joylashgan 34-sonli muassasada O'zbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qo'llab-quvvatlash Jamoat fondi tomonidan “Najot-ta'lim. Najot-tarbiya. Najot bilimda“ shiori ostida o’tkazilgan grant loyiha doirasida “Ta'lim sifati–dolzarb masala!” mavzusida grant loyiha ish rejasiga asosan muassasa hodimlari o’rtasida davra suhbati tashkil etildi. Davra suhbatidan ko'zlangan maqsad, aholi(iste’molchi)lar o'rtasida iste'mol madaniyatini oshirish, hamda grant loyihaning mazmun mohiyati amalga oshirishdagi rejalari haqida, O’zbekiston iste’molchilar huquqlarini himoya qilish to’g’risidagi qonuni va 2002 yil 28-noyabrdagi 414-sonli qarori targ’iboti, O‘zbekiston Respublikasi Prezidentining “Aholini sifatli iste’mol tovarlari bilan ta’minlashga qaratilgan qo‘shimcha chora-tadbirlar to‘g‘risida” 2023 yil 4 apreldagi PQ–110-sonli qarori ijrosini ta'minlashdan iborat. Davra suhbatida Mingbuloq tumani jamiyati raisi grant loyiha rahbari Muhtorjon Mamadiyev tomonidan sohadagi o'zgarishlar, grant loyihaning mazmun mohiyati uni amalga oshirishdagi rejalari haqida va iste'mol madaniyatini oshirish borasida alohida nutq so'zladi va tushunchalar berildi. Mamlakatimizda iste’molchilar huquqlarini himoya qilish, aholi(iste’molchi)larning iste’mol madaniyatini yuksaltirishga alohida e’tibor qaratilmoqda. Iste’molchilar huquqlarining qonun himoyasiga olinishi bozor munosabatlarini tartibga solish, tovar va xizmatlar sifati ustidan jamoatchilik nazoratini o‘rnatishda muhim ahamiyatga ega. “Iste’molchilarning huquqlarini himoya qilish to‘g‘risida” gi O‘zbekiston Respublikasi qonuni bu borada muhim huquqiy asos bo‘lib xizmat qilmoqda. Davra suhbati ishtirokchilarga grant loyiha doirasida belgilangan tarqatma materiallar qonun nusxalari tarqatildi hamda iste’molchilarni qiziqtirgan barcha savollarga jamiyat raisi hamda mutahassislar tomonidan javob berildi.
TA’LIM SIFATI-DOLZARB MASALA!”
Mingbuloq tuman jamiyati tomon...
- 2024-07-11
O‘zbekiston isteʼmolchilar huquqlarini himoya qilish Uchqo‘rg‘on tuman ijro etuvchi apparati raisi A.Qodirov Uchko‘prik MFY 29-maktabda 70 dan ortiq odamlarni dardini tinglab xalq bilan muloqot o'tkazdi. Uchko‘prik MFY da joylashgan qishloq vrachlik punktini boshqa joyga ko‘chirilganligi sababli aholiga muammolar yuzaga kelganligi, va yana eski o'rniga qaytarishni masalalari shuningdek Uchko‘prik yo'nalishi Mexnatobodda yo'llari ta`mirtalab ahvolda bo`lganligi va shu muammolarga yechib topish maqsadida davra suhbati tashkil etildi.
O‘zbekiston isteʼmolchilar huquqlarini himoya qilish Uchqo‘rg‘on tuman ijro etu...
- 2024-07-24
NAMANGANDA QARIYB 14 MILLARD SO'M MABLAG' ISTE'MOLCHILAR FOYDASIGA QAYTA HISOB-KITOB QILINDI Oʼzbekiston isteʼmolchilar huquqlarini himoya qilish jamiyatlari federatsiyasi Namangan viloyati hududiy birlashmasi Kengashining navbatdagi yigʼilishi boʼlib oʼtdi. Kengash yigʼilishida Namangan viloyatida isteʼmolchilar huquqlarini himoya qilish, aholining isteʼmol madaniyatini oshirish va sohada jamoatchilik nazoratini yana-da kuchaytirish borasida 2024-yilning oʼtgan 6 oyi davomida amalga oshirilgan ishlar tanqidiy-tahliliy koʼrib chiqildi. Xususan, viloyatda isteʼmolchilar huquqlarini himoya qilish jamiyatlariga isteʼmolchilar tomonidan 801 ta murojaatlar kelib tushgan. Ularning 189 tasi yozma, 612 tasi ogʼzaki, 49 tasi elektron shaklda boʼlib, barcha arizalar tegishli tartibda oʼrganib chiqilgan. Hisobot davrida hududiy birlashma va uning tuman (shahar) jamiyatlari tomonidan murojaatlar sohalar kesimida koʼrib chiqilib, isteʼmolchilar manfaatlariga yetkazilgan 14 861 328 186 soʼm moddiy va maʼnaviy zararlar qayta hisob-kitob qilinishi va undirib berilishi taʼminlangan. Yig'ilish davomida iste’molchilar huquqlarini himoya qilishga doir chora-tadbirlar ijrosi, amalga oshirilgan ma’naviy-ma’rifiy ishlar hamda loyihalar, kelib tushgan murojaatlar va ularning yechimlari muhokama qilindi. Jamiyatlar faoliyatida erishilayotgan yutuqlar, yo'l qo'yilayotgan xato-kamchiliklar yuzasidan fikr va mulohazalar bildirildi. Shuningdek, aholining iste'molchilik madaniyati hamda huquqiy savodxonlik darajasini oshirish bo'yicha kelgusida amalga oshirilishi rejalashtirilayotgan maqsad va vazifalar belgilab olindi.
NAMANGANDA QARIYB 14 MILLARD SO'M MABLAG' ISTE'MOLCHILAR FOYDASIGA QAYTA HIS...
- 2024-07-29
ISTEʼMOLCHINING QARZDORLIGI YAQIN 5 MILLION EMAS, 775 MING SOʻM EKANI ANIQLANDI Yangi Namangan tumani "Ishonch" MFY Bodomzor koʻchasida yashovchi Yʼ.S. Namangan shahar isteʼmolchilar huquqlarini himoya qilish jamiyatiga murojaat qilgan. Unga koʻra, elektr taʼminoti korxonasi tomonidan fuqaro xonadoniga yaqin 5 million soʻm asossiz qarzdorlik hisoblangan. Isteʼmolchi qarzdorlikka oydinlik kiritish maqsadida Yangi Namangan elektr taʼminoti idorasiga murojaat qilgan, biroq idora mutasaddilaridan tayinli javob boʻlmagan. Namangan shahar isteʼmolchilar huquqlarini himoya qilish jamiyati xodimlari oʻrganilganda Isteʼmolchi xonadoni oldi tomonida oʻrnatilgan elektr sim yogʻochga kimdir yoritgich oʻrnatganligi yuzasidan va elektr tarmoqlari korxonasi xodimlari tomonidan dalolatnoma tuzilib 4950000 soʻm jarima belgilanganligi,ushbu xonadonda uzoq vaqtdan buyon hech kim yashamasligi,qolaversa ushbu sim yogʻoch joylashgan joy isteʼmolchini kadastr hududidan tashqarida boʻlganligi,xonadon raqami isteʼmolchini ismi familiyasi notoʻgʻri koʻrsatilgan, ushbu asossiz qarzdorlik yuzaga kelgani, isteʼmolchining elektr energiyasi toʻlovlaridan qarzi esa 775 ming 260 soʻm ekani maʼlum boʻldi. Olib borilgan oʻrganish ishlari davomida ushbu holatlar yuzasidan toʻplangan hujjatlar tuman elektr taʼminoti korxonasiga kiritilganidan soʻng, korxonadan isteʼmolchi xonadoniga hisoblangan qarzdorlik qayta hisob-kitob qilinib, ushbu summa isteʼmolchi hisob kartasidan chiqarib yuborildi.
ISTEʼMOLCHINING QARZDORLIGI YAQIN 5 MILLION EMAS, 775 MING SOʻM EKANI ANIQLANDI...
- 2024-07-29
BANK ORQALI YECHILMAGAN ISTEʼMOLCHI MUAMMOSI Pop tuman isteʼmolchilar huquqlarini himoya qilish jamiyatiga A.Navoiy MFYda yashovchi G.S. dan ogʻzaki murojaat kelib tushdi. Ushbu murojaatda bayon etilishicha, isteʼmolchiga chet davlatdan fuqaro nomiga viza karta orqali pul oʻtkazmasi oʻzbek valyutasida 20 000 000 yigirma million soʻm pul mablagʻi joʻnatilgan lekin ayrim sabablarga koʻra ushbu pul mablagʻlarini naqdlashtirishda muammolar yuzaga kelganligi bank xodimlari esa isteʼmolchiga yordam bera olmagan shundan soʻng Pop tuman jamiyatiga murojaat etgan. Ushbu holat boʻyicha murojaat jamiyat masʼullari tomonidan ijobiy hal etildi.
BANK ORQALI YECHILMAGAN ISTEʼMOLCHI MUAMMOSI
...
- 2024-08-01
Salkam 7 million so'mlik nosoz kir yuvish mashinasi bepul ta'mirlab berildi Kosonsoy tumanida yashovchi fuqaro Q.M. tumandagi maishiy texnikalar savdo doʻkonidan 6 million 840 ming soʻmga kir yuvish mashinasini bir yil muddatga boʻlib toʻlash sharti bilan sotib oladi. Sotuvchi tomonidan ushbu maishiy texnika uchun bir yil muddatga kafolat beriladi. Ammo kir yuvish mashinasida kafolat muddati mobaynida nosozliklar kuzatiladi. Sotuvchi va ishlab chiqaruvchi esa oʻzlarining kafillik majburiyatlarini unutib, taʼmirlash ishlari pullik tartibda amalga oshirilishini maʼlum qilishadi. Fuqaroning Oʻzbekiston isteʼmolchilar huquqlarini himoya qilish jamiyatlari federatsiyasi ishonch telefoni orqali qilgan murojaati tegishli mutaxassislarni jalb etgan holda oʻrganildi. Oʻrganish jarayonida sotuvchiga Oʻzbekiston Respublikasi “Isteʼmolchilarning huquqlarini himoya qilish toʻgʻrisida”gi Qonunida belgilab qoʻyilgan kafillik majburiyatlari tushuntirildi va nosoz maishiy texnika isteʼmolchiga bepul taʼmirlab beriladi.
Salkam 7 million so'mlik nosoz kir yuvish mashinasi bepul ta'mirlab berildi O’zbekiston iste’molchilar huquqlarini himoya qilish jamiyatlari federatsiyasi Namangan viloyati hududiy birlashmasi
- 2024-08-01
Xarid qilingan mobil qurilmadagi kichik nuqson bartaraf etilib, shartnoma oʻz kuchida qoladigan boʻldi. Chust tumanida yashovchi fuqaro A.U. Oʻzbekiston isteʼmolchilar huquqlarini himoya qilish jamiyatlari Federatsiyasining Telegram botiga murojaat qilgan. Unga koʻra, fuqaro Chust tumanda joylashgan “Sponsr” savdo doʻkonidan 5 800 000 soʻmga 2 dona uyali aloqa telefon apparatini muddatli toʻlov asosida sotib olgan. Biroq bir hafta oʻtib, telefonlardan biri texnik jihatdan yaxshi ishlamayotgani sababli, doʻkonga qaytarib olib borgan, oradan vaqt oʻtib kridet toʻlash vaqti kelganda esa 2 dona uyali aloqa telefon apparati uchun foizlar ushlab qolingan lekin nosoz telefon apparati esa sotuvchi almashtirib berishdan bosh tortgan. Jamiyat mutaxassislari tomonidan fuqaroning murojaati tegishli tartibda oʻrganilib, “Sponsr” savdo doʻkoni, sotuvchisiga amaldagi qonun talablari tushuntirildi. Natijada, isteʼmolchining foydasiga ijobiy hal etildi.
Xarid qilingan mobil qurilmadagi kichik nuqson bartaraf etilib, shartnoma oʻz kuchida qo...
- 2024-08-08
ISTEʼMOLCHI VA SAVDO DOʻKONI OʻRTASIDA TUZILGAN SHARTNOMA Uychi tuman yashovchi fuqaro X.O. shahar isteʼmolchilar huquqlarini himoya qilish jamiyatiga murojaat qilgan. Unga koʻra, fuqaro Uychi tuman joylashgan savdo doʻkonidan 4 200 000 soʻmga muddatli toʻlov asosida noutbuk sotib olgan. Biroq oradan 2 kun oʻtib, noutbuk uchun qilingan shartnomadagi summani toʻlashda moyiligi yoʻqligini hisobga olib, doʻkonga qaytarib olib borgan va isteʼmolchi toʻlov turi arzonroq boʻlgan kompyuterga almashtirib berishini soʻragan, biroq sotuvchi noutbukni almashtirib berishdan bosh tortgan. Jamiyat mutaxassislari tomonidan fuqaroning murojaati tegishli tartibda oʻrganilib, isteʼmolchi xohishiga koʻra, qulay turiga noutbukka almashtirib berildi.
ISTEʼMOLCHI VA SAVDO DOʻKONI OʻRTASIDA TUZILGAN SHARTNOMA
Uychi tum...
- 2024-08-27
Salkam ikki yarim million so'mlik nuqsonli televizor bepul ta'mirlab berildi Toʻraqoʻrgʻon tuman Parosmon MFY da yashovchi fuqaro G.A. tuman iste'molchilar huquqlarini himoya qilish jamiyatiga murojaat qilgan. Unda keltirilishicha, fuqaro Toʻraqoʻrgʻon tumanida joylashgan savdo do’konidan 2 320 000 so’mga "Samsung" rusumli televizor sotib olgan, biroq uni kafolat muddati tugamay ba'zi kamchiliklari, ya'ni ko’rsatish sifati pastligi ma'lum bo'lgan. Shu sababli, iste'molchi savdo do’konidan tovarni yangisiga almashtirish yoki ta`mirlab berishini so’ragan. Do’kon xodimlari esa almashtirib berish va ta`mirlab berishdan bosh tortgan. Ushbu masalalar yuzasidan fuqaroning murojaati, Toʻraqoʻrgʻon tuman jamiyati mutaxassislari tomonidan batafsil o’rganib chiqilib, savdo do’koni rahbariga amaldagi qonunchilik talablari tushuntirib o’tildi va nosoz televizor mas’ul servis tomonidan bepul ta’mirlab berildi.
O’zbekiston iste’molchilar huquqlarini himoya qilish jamiyatlari federatsiyasi Namangan viloyati hududiy birlashmasi
- 2024-09-09
🔰 Ҳозирги кунда Ўзбекистон ҳудудида: 🔹меҳнатга ҳақ тўлашнинг энг кам миқдори – 1 050 000 сўм (1 октябрдан ойига 1 155 000 сўм бўлади); 🔹базавий ҳисоблаш миқдори – 340 000 сўм (1 октябрдан ойига 375 000 сўм бўлади); 🔹пенсияни ҳисоблашнинг базавий миқдори – 428 000 сўм; 🔹ёшга доир энг кам пенсия – 834 000 сўм; 🔹ногиронлик пенсиялари, жумладан иш стажи тўлиқ бўлмаган чоғдаги ногиронлик пенсиясининг энг кам миқдори – 920 000 сўм; 🔹меҳнатга лаёқатсиз фуқароларга бериладиган ногиронлик нафақаси ва болаликдан ногиронлиги бўлган шахсларга бериладиган нафақа – 920 000 сўм; 🔹белгиланган ёшга доир энг кам пенсия миқдоридан (834 000 сўмдан) 920 000 сўмгача пенсия олувчиларнинг ёшга доир пенсиялари – 920 000 сўм; 🔹зарур иш стажига эга бўлмаган кекса ёшдаги фуқароларга бериладиган нафақа – 745 000 сўм; 🔹иш стажи тўлиқ бўлмаган чоғдаги ёшга доир пенсиянинг энг кам миқдори қўшимча тўловни ҳисобга олган ҳолда – 745 000 сўм.
O’zbekiston iste’molchilar huquqlarini himoya qilish jamiyatlari federatsiyasi Namangan viloyati hududiy birlashmasi
- 2024-09-09
T neğiKON - Iste'molchilar Konfederatsiyasi va T TKODER - Iste'molchilar huquqlarini himoya qilish assotsiatsiyasi va O'zbekiston iste'molchilar huquqlarini himoya qilish jamiyatlari, 2024 yil fevral oyida imzolangan protokol doirasida T Tkoder taklifi sifatida Turkiyaga kelgan O'zbekiston iste'molchilar huquqlarini himoya qilish jamiyatlari federatsiyasi/, O‘zbekiston iste’molchilar huquqlarini himoya qilish jamiyatlari federatsiyasi, Namangan viloyati kasaba uyushma qo‘mitasi, Iste’molchilar huquqlarini himoya qilish jamiyati T TKODAR, T delegatsiyasi bilan birgalikda Turkiya va O‘zbekistonda Iste’molchi tashkilotlari iste’molchilar huquqlarini buzish holatlari yuzaga kelganda iste’molchilarga qanday imtiyozlar va yechimlar berayotgani yuzasidan o‘zaro fikr almashildi va amalga oshirish misollari keltirildi. Biz uchun muhim jihat shundaki, O‘zbekistondagi iste’molchilar jamiyatiga a’zo bo‘lgan iste’molchilar sudda xarajatlarni to‘lamaydi, a’zo bo‘lmaganlar esa jiddiy xarajatlarni to‘laydi. Assotsiatsiya a'zolari ham o'z badallarini muntazam ravishda to'laydilar. Keling, biz uchun ham xuddi shunday deylik. Tukoder va Oʻzbekiston delegatsiyasi 2024/fevral oyida boʻlib oʻtgan muzokaralarda qaror qabul qilingan Turkiya respublikalarida isteʼmolchi tashkilotlari uyushmasini tashkil etish borasidagi saʼy-harakatlari koʻrib chiqildi. Bizni Istanbulda qabul qilgan Tukoder Bakırköy filialiga, shahar hokimi Dr.Ayshegül Ovalio Tlu va uning jamoasiga bizni har qanday logistika yordami bilan ta'minlaganliklari uchun hamda vitse-prezidentimiz Adv.U bizur Dündar va uning jamoasiga bizni mehmon qilgani uchun minnatdorchilik bildiramiz.
O’zbekiston iste’molchilar huquqlarini himoya qilish jamiyatlari federatsiyasi Namangan viloyati hududiy birlashmasi
- 2024-09-10
Iste'molchilar konfederatsiyasi (TÜKON) va Iste'molchilar huquqlarini himoya qilish uyushmasi (TÜKODER) o'rtasida xalqaro hamkorlik uchrashuvi bo'lib o'tdi. Turkiya nomidan delegatsiyaga TÜKODER va Bakırköy shahar kengashi raisi Aziz Kochal boshchilik qildi. Turkiya va O'zbekistonda iste'molchilar huquqlari buzilishi sodir bo'lganda iste'molchi tashkilotlari iste'molchilarga qanday imtiyozlar va yechimlar taqdim etishi haqida o'zaro fikr almashilgan yig'ilishda, o'zaro yechim misollari ham kun tartibiga keltirildi. 2024-yil fevral oyida imzolangan protokol doirasida O‘zbekiston iste’molchilar huquqlarini himoya qilish jamiyatlari federatsiyasi va Namangan viloyati kasaba uyushmalari hududiy delegatsiyasi TÜKODER mehmoni sifatida Turkiyaga keldi
O’zbekiston iste’molchilar huquqlarini himoya qilish jamiyatlari federatsiyasi Namangan viloyati hududiy birlashmasi
- 2024-09-17
Namangan Viloyati isteʼmolchilar huquqlarini himoya qilish jamiyatlari hududiy birlashma raisi O. Boyboyev hamda Turkiya davlatining Bakirkoy tuman hokimiyat bosh direktor yordamchisi advokat Uğur DÜNDAR bilan uchrashuv Bu uchrashuvda ikki davlatlar oʻrtasida aloqalari keng rivojlanib borayotgan sharoitda isteʼmolchilarning bu boradagi huquq va manfaatlari himoyasini ilgari surish va bu borada qilinishi kerak boʻlgan ishlar va vazifalar muhokama qilinib. isteʼmolchilar tashkilotlari isteʼmolchilarga qanday imtiyozlar va yechimlar berishlari toʻgʻrisida oʻzaro fikr almashildi Ishtirokchilar kelgusida hamkorlikda amalga oshirilishi rejalashtirilgan yangi vazifalarni belgilab oldilar. Taʼkidlash joizki, bunday formatdagi uchrashuvlar ilk bor oʻtkazilmoqda hamda Oʻzbekiston-Turkiya keng qamrovli strategik sheriklik munosabatlarining ustuvor yoʻnalishlarida tizimli hamkorlikni yoʻlga qoʻyishga qaratilgan
O’zbekiston iste’molchilar huquqlarini himoya qilish jamiyatlari federatsiyasi Namangan viloyati hududiy birlashmasi
- 2025-01-21
NAMANGANDA QARIYB 18 MILLARD SO'M MABLAG' ISTE'MOLCHILAR FOYDASIGA QAYTA HISOB-KITOB QILINDI O‘zbekiston iste'molchilar huquqlarini himoya qilish jamiyatlari federatsiyasi raisi J.Sarimsoqov boshchiligida Oʼzbekiston isteʼmolchilar huquqlarini himoya qilish jamiyatlari federatsiyasi Namangan viloyati hududiy birlashmasi Kengashining navbatdagi yigʼilishi boʼlib oʼtdi. Kengash yigʼilishida Namangan viloyatida isteʼmolchilar huquqlarini himoya qilish, aholining isteʼmol madaniyatini oshirish va sohada jamoatchilik nazoratini yanada kuchaytirish borasida 2024-yilning oʼtgan 1 yili davomida amalga oshirilgan ishlar tanqidiy-tahliliy koʼrib chiqildi. Xususan, viloyatda isteʼmolchilar huquqlarini himoya qilish jamiyatlariga isteʼmolchilar tomonidan 1079 ta murojaatlar kelib tushgan. Ularning 292 tasi yozma, 787 tasi ogʼzaki, 124 tasi elektron shaklda boʼlib, barcha arizalar tegishli tartibda oʼrganib chiqilgan. Hisobot davrida hududiy birlashma va uning tuman (shahar) jamiyatlari tomonidan murojaatlar sohalar kesimida koʼrib chiqilib, isteʼmolchilar manfaatlariga yetkazilgan 17 931 713 749 soʼm moddiy va maʼnaviy zararlar qayta hisob-kitob qilinishi va undirib berilishi taʼminlangan. Yig'ilish davomida iste’molchilar huquqlarini himoya qilishga doir chora-tadbirlar ijrosi, amalga oshirilgan ma’naviy-ma’rifiy ishlar hamda loyihalar, kelib tushgan murojaatlar va ularning yechimlari muhokama qilindi. Jamiyatlar faoliyatida erishilayotgan yutuqlar, yo'l qo'yilayotgan xato-kamchiliklar yuzasidan fikr va mulohazalar bildirildi. Shuningdek, aholining iste'molchilik madaniyati hamda huquqiy savodxonlik darajasini oshirish bo'yicha kelgusida amalga oshirilishi rejalashtirilayotgan maqsad va vazifalar belgilab olindi.
O’zbekiston iste’molchilar huquqlarini himoya qilish jamiyatlari federatsiyasi Namangan viloyati hududiy birlashmasi
- 2025-01-21
Kuni kecha Toshkent shahar hududiy birlashmasi raisi boshchiligidagi delegatsiya o'zaro tajriba almashish uchun Namangan viloyatida bo‘lib, hududiy birlashma va To'raqo'rg'on tuman jamiyati faoliyati bilan tanishdi. Xususan, o'rganishlar davomida Toʻraqoʻrgʻon tuman jamiyatidagi "Isteʼmolchilar uyi" binosi hamda jamiyat faoliyati bilan yaqindan tanishildi. Shuningdek, isteʼmolchilarning murojaatlari bilan ishlash hamda hamkor tashkilotlar hisoblangan xalq taʼlimi, sogʻliqni saqlash tizimidagi faollar bilan birgalikda olib borilayotgan ishlar hamda monitoring oʻrganishlar olib borish toʻgʻrisida atroflicha malumot almashildi. Toshkent shahar hududiy birlashmasi tuman jamiyatlari bilan birgalikda O‘zbekiston iste’molchilar huquqlarini himoya qilish jamiyatlari federatsiyasining “Respublikaning iqtisodiy tarmoqlari, ijtimoiy soha obyektlari va ko‘p qavatli uy-joy fondini 2024-2025-yillar kuz-qish davrida barqaror ishlashga tayyorlashni ta’minlash bo‘yicha belgilangan chora-tadbirlarining bajarilish holatini jamoatchilik tartibida o‘rganish va aniqlangan kamchiliklar yuzasidan tegishli vakolatli davlat organlariga takliflar kiritish to‘g‘risida"gi buyrug‘i ijrosini ta’minlash maqsadida joylarda o‘rganishlar olib borildi.
O’zbekiston iste’molchilar huquqlarini himoya qilish jamiyatlari federatsiyasi Namangan viloyati hududiy birlashmasi
- 2025-02-06
Namanganda 1 milliard so'm mablag' iste'molchilar foydasiga qayta hisob-kitob qilindi Mingbuloq tumanidagi 17 ta MFY hamda “Namangan Musaffo Iqlim” MCHJ Mingbuloq tuman filiali oʻrtasida Oʻzbekiston Respublikasi Vazirlar Mahkamasining 2018-yil 25-noyabrdagi PF5580-sonli Qaroriga asosan ommaviy shartnoma tuzilgan. Lekin qish mavsumida havo haroratining sovishi va gaz tanqisligining yuzaga kelishi sababli, MChJ maxsus texnikalari yoqilgʻi bilan ta'minlanmagan. Shu bois, 2024-yilning iyul, avgust, sentyabr, oktyabr, noyabr, dekabr va 2025-yil yanvar oylarida qatnov grafigi boʻyicha aholiga toʻliq va sifatli xizmat koʻrsatilmagan.
O’zbekiston iste’molchilar huquqlarini himoya qilish jamiyatlari federatsiyasi Namangan viloyati hududiy birlashmasi
- 2025-02-07
Namanganda 3 yarim milliard so'm mablag' iste'molchilar foydasiga qayta hisob-kitob qilindi Davlatobod tumanidagi 24 ta MFY hamda “Namangan Musaffo Iqlim” MCHJ Davlatobod tuman filiali oʻrtasida Oʻzbekiston Respublikasi Vazirlar Mahkamasining 2018-yil 25-noyabrdagi PF5580-sonli Qaroriga asosan ommaviy shartnoma tuzilgan. Ammo qish mavsumida havo haroratining sovishi va gaz tanqisligining yuzaga kelishi sababli, MChJ maxsus texnikalari yoqilgʻi bilan ta'minlanmagan. Shu bois, 2024-yilning iyun, avgust, sentyabr, oktyabr, noyabr, dekabr va 2025-yil yanvar oylarida qatnov grafigi boʻyicha aholiga toʻliq va sifatli xizmat koʻrsatilmagan.
O’zbekiston iste’molchilar huquqlarini himoya qilish jamiyatlari federatsiyasi Namangan viloyati hududiy birlashmasi
- 2025-02-10
Namanganda 2 milliard so'm mablag' iste'molchilar foydasiga qayta hisob-kitob qilindi Oʻzbekiston isteʼmolchilar huquqlarini himoya qilish jamiyatlari federatsiyasi Namangan shahar ijro etuvchi apparatiga tumanda yashovchi isteʼmolchilardan koʻplab murojaatlar kelib tushgan. Murojaatlarda bayon etilishicha, “Namangan Musaffo Iqlim” MCHJ Namangan shahar filiali xodimlari tomonidan kuz-qish mavsumida maishiy chiqindilarning olib ketilmasligi natijasida, iste'molchilarga hech qanday xizmat koʻrsatilmagan. O'rganishlar davomida haqiqatdan ham shahardagi 10 ta MFY hamda “Namangan Musaffo Iqlim” MCHJ shahar filiali oʻrtasida Oʻzbekiston Respublikasi Vazirlar Mahkamasining 2018-yil 25-noyabrdagi PF5580-sonli Qaroriga asosan ommaviy shartnoma tuzilgani aniqlandi. Ammo qish mavsumida havo haroratining sovishi va gaz tanqisligining yuzaga kelishi sababli, MChJ maxsus texnikalari yoqilgʻi bilan ta'minlanmagan. Shu bois, 2025-yil 1- yanvar holatiga ko'ra, ba`zi oylarda qatnov grafigi boʻyicha aholiga toʻliq va sifatli xizmat koʻrsatilmagan. Oʻrganish yakuniga koʻra, “Namangan Musaffo Iqlim” MCHJ Namangan shahar filiali tomonidan tumanidagi 10 MFY aholisiga belgilangan sifatdagi xizmatlar koʻrsatilmaganligi sababli, aholidan olinadigan jami 2 412 559 700 soʻm to'lovlarni undirish bekor qilindi.
O’zbekiston iste’molchilar huquqlarini himoya qilish jamiyatlari federatsiyasi Namangan viloyati hududiy birlashmasi
- 2025-03-04
Mingbuloq tumanida o'quv seminari o'tkazildi Oʻzbekiston isteʼmolchilar huquqlarini himoya qilish jamiyatlari federatsiyasi Mingbuloq tuman jamiyati tomonidan 15- hamda 13-sonli umumiy o‘rta ta’lim maktablarida 15-mart – Butunjahon isteʼmolchilar huquqlari kuniga bagʻishlangan o'quv seminari tashkil etildi. Unda tuman jamiyati xodimlari tomonidan tizimda amaldagi isteʼmolchilar huquqlarini himoya qilishga oid qonunchilik ijrosi yuzasidan amalga oshirilayotgan chora-tadbirlar xususida yigʻilganlarga batafsil maʼlumotlar berildi. Shuningdek, iste'molchilik ijtimoiy harakatining mustaqil O‘zbekistonda mazkur harakatning vujudga kelishi, taraqqiy topishi hamda bugungi holati to‘g‘risida atroflicha axborotlar berib o‘tildi. Tadbir so'nggida yig’ilish ishtirokchilari oʻzlarini qiziqtirgan savollarga soha mutaxassislardan javob olishdi.
O’zbekiston iste’molchilar huquqlarini himoya qilish jamiyatlari federatsiyasi Namangan viloyati hududiy birlashmasi
- 2025-03-06
Nosoz telefon uchun to'langan 7,5 million so'm iste'molchiga qaytarildi Norin tumanida yashovchi fuqaro M.O. tumandagi savdo doʻkonlarining biridan 7 million 500 ming soʻmga “Samsung” rusumli uyali aloqa vositasi sotib oladi. Ammo ushbu telefon apparatida nosozliklar kuzatililadi. Sotuvchi esa amaldagi qonunchilik talablarini tan olmaydi va nuqsonli mahsulotni qaytarib olishni rad etadi. Mazkur murojaat tuman iste'molchilar huquqlarini himoya qilish jamiyati tomonidan oʻrganilganda, sotuvchi tomonidan Oʻzbekiston Respublikasi “Iste'molchilarning huquqlarini himoya qilish toʻgʻrisida”gi Qonuni talablariga zid tarzda sotilgan mahsulot uchun kafillik majburiyatlari belgilanmaganligi aniqlandi. Oʻrganish jarayonida mazkur qonun talablari tushuntirilib, nuqsonli mahsulotni sotib olish uchun toʻlangan pul mablagʻi toʻliq iste'molchiga qaytarilishi ta'minlandi
O’zbekiston iste’molchilar huquqlarini himoya qilish jamiyatlari federatsiyasi Namangan viloyati hududiy birlashmasi
- 2025-03-19
Butunjahon iste’molchilar huquqlari kuniga bag‘ishlangan tadbir Namangan viloyati iste’molchilar huquqlarini himoya qilish Namangan hududiy birlashmasi hammda Namangan shahar jamiyati tomonidan 15 mart – Butunjahon iste’molchilar huquqlari kuni munosabati bilan Namangan davlat pedagogika institutida tadbir bo‘lib o‘tdi. Tadbirni Namangan shaxar jamiyati rasi B.Abdullamudov ochib berdi. O‘z nutqida u iste’molchilar huquqlarini himoya qilish hamda aholining moliyaviy savodxonligini oshirish bo‘yicha dolzarb masalalarga to‘xtalib o‘tildi. Ushbu tadbir iste’molchilar huquqlarini mustahkamlash va adolatli hamda barqaror iste’mol madaniyatini shakllantirishga qaratilgan muhim tashabbuslardan biridir. Seminar davomida ishtirokchilarga sohada amalga oshirilgan ishlar to‘g‘risida hamda iste’molchilarning huquq va majburiyatlari yuzasidan atroflicha tushunchalar berildi. Bundan tashqari, tadbir qatnashchilari tomonidan berilgan savollarga huquqiy javoblar berildi.
O’zbekiston iste’molchilar huquqlarini himoya qilish jamiyatlari federatsiyasi Namangan viloyati hududiy birlashmasi
- 2026-01-27